هى : احم
هو : نعم عايزة ايه 
هى : ولا حاجة ياحبيبى سلامتك 
هو : مش عايزة حاجة يعنى 
هى : انا لالالا خالص هو انته مخلينى محتاجة حاجة 
هو : لا طبعا
هى : طااااه شوفت بقى
هو : طالما لويتى البوز ده تبقى عايزة حاجات مش عايزة حاجة واحدة
هى : الصراحة !!
هو : ايوه انا مش عايز غير الصراحة
هى : هو مش النهاردة العيد !
هو : الدخلة دى انا مش مطمنلها ايوه عايزة ايه يعنى !!
هى : عايزة عايزة عاوزة
هو : ماتقولى يابت عايزة ايه
هى : عايزة اتفسح (و راحت تستخبى )
هو : عايزة تتــ.... ايه ؟
هى : اتفسح
هو : طب تعالى خدى متخافيش مش همد ايدى تعالى هعرفك غلطك بس
هى : تمد ايدك على مين ياض
هو : عادى امدها فى اي حتة
هى : ااااااااااااااه بحسب
هو : تعالى بقى بدل ما اقولك همدها فين
هى : اهو جيت
هو : انتى عايزة تتفسحى !!
هى : اها
هو : طيب نتفسح
هى : بجد
هو : لا طبعا بهزر
هى : كنت عارفة انك رخم على فكرة
هو : طااااايب مفيش فسح
هى : انته هزلنى ولا ايه (عضته فى دراعه)
هو : ااااااااااه يابت العضاضة و الله كنت هفسحك النهاردة
هى : كنت و دلوقت مش هتفسحنى
هو : ليكى عين تتكلمى بعض العضة دى
هى : يووووووووووه انته اللى استفزتنى ياعصام
هو : عصام مين يابت
هى : بهزر يارمضان الله بلاش يعنى مبتهزرش انت
هو : لا بهزر ياختى (راح شايلها)
هى : راح فين انته نزلنى يارخم
هو : هوريكى الهزار بقي عامل ازاى
هى : يا ماما انته هتعمل ايه
(وصل الاوضة قعدها ع السرير و فتح الدولاب و اختارلها طقم حلو)
هو : خدى يابت البسى الفستان ده وتعالى برا عشان هنخرج
هى : هنتفسح
هو : ايوه ياهبلة هفسحك
هى : متشتمش طاااه
هو : بحبك طااااه
هى : طااااه
هو : جاتك اوه
هى : قولتلك متشتمش ياض متخلنيش اتغابى عليك
هو : نعم ياختى تتغابى على مين
هى : اتغابى ايه مين جاب سرة الغباوة اطلع برا بقي عشان اغير هدومى
هو : طالع بس لو غيبتى عن 10 دقايق مفيش فسح
هى : 10 دقايق ايه دول كتير 3 دقايق و هكون عندك
(خرجت بعد 40 دقيقة بالظبط )
هو : ما بدرى ياست هانم
هى : الله مش لازم ابقي حلوة
هو : و انتى كده يعنى بقيتى حلوة !!
هى : تقصد ايه
هو : اقصد انك قمر
هى : طاااه مانا عارفة
هو : انتى صدقتى ولا ايه دا امر بالستر مش اكتر
هى : عقلى بيقولى ارزعك عضة فى دراعك التانى
هو : ايييييييييييييييه هو انا متجوز كلب :@@@
هى : اها لو كان عاجبك
هو : عاجبنى ياعم والله بس ايه الحلاوة دى فين البت المتوحشة اللى كنت بكلمها من شوية ^_____^
هى : موجودة و تحت الطلب ^^
هو : لالالالالا خليها مش عايزها مش عايزها
هى : طااااه يالا نخرج بقى
هو : يلا يا مزتى ^^
(و خرجوا وفسحها المضروبة وجبلها بلالين كمان